Ilang titik na ang naisulat? Ilang salita na ang nabuo?

Ilang piyesa na rin ang nagawa, ang naisaletra nitong kamay ko..

Saan galing? Saan nga ba hinugot ang lahat ng ‘to?

‘Di mawari, ‘di mapagtanto ang hiwagang nilalaman ng aking puso..

Sa bawat pagpintig ng aking dibdib, at paghingang kanyang kaanib,

Sa pagpikit at pagdilat nitong mga mata’y ikaw’y naiisip.

‘Di mawari, ‘di mapagtanto ang hiwagang nilalaman ng aking puso..

Ang himig ng aking damdami’y kay sarap pakinggan,

Sa tuwing ang iyong pagsinta’y nararamdaman.

Tila walang humpay na ligaya’t tuwa ang naipipinta nito sa’king mga labi..

‘Di mawari, ‘di mapagtanto ang hiwagang nilalaman ng aking puso..

Malalapatan pa ba ng tono ang mga titik na naisulat?

Madudugtungan pa ba ng musika ang mga salitang nabuo?

Magiging awitin pa ba ang mga piyesang nagawa, ang naisaletra nitong kamay ko?

Ngayong kaharap ka’t hawak-hawak mo ang aking kamay..

Sumasaliw din ang aking galak sa ritmo ng buhay..

Ngayong ako’y narito na sa mga bisig mo..

‘Di mawari, ‘di mapagtanto ang hiwagang nilalaman ng aking puso..

MAC—-when you’re tempted to lose patience with someone, think about how patient God has been with you all the time. =)

INSPIRED—God is an unconditional love itself. Not the one who judges; You are allowed everything that’s because we could do wars.